首席司机罗拔仔靠得住

周二晚H组赛事，欧洲代表波兰斗非洲球队塞内加尔，波兰王牌罗拔利云度夫斯基不但系今届欧洲区外围赛首席射手，近期嘅热身赛亦keep住有波入。塞内加尔前线亦有沙迪奥文尼、基达巴尔迪等好手，面对防线唔算稳阵嘅波兰大把入波机会，2.5球嘅大盘捧得过。

（Now 616及618台周二晚11时直播）

如果冰岛系「神（臣）之队」，咁有23人大军中，有近半球员译名以「斯基」作结嘅波兰，就堪称「司机（斯基）军团」。今届波兰喺欧洲区外围赛E组以首名出线，「首席司机」罗拔利云度夫斯基个人射入16球，成为欧洲区外围赛神射手。罗拔仔喺决赛周前2场热身赛，更个人轰入3球，状态冇跌Watt，仍然系波兰最具威胁嘅前线尖刀。不过波兰近5仗热身赛只有对欧洲二流球队立陶宛保持不失，其馀对住墨西哥、尼日利亚或南韩呢啲决赛周分子都有失波，防线演出畀唔到人信心，前面入波随时唔够后面输。

小组实力平均场场要搏

塞内加尔对上1次打入决赛周系2002年，亦系该国史上唯一一次，当年佢的喺揭幕战以1比0击败卫冕嘅法国举世震惊，最后更杀入8强，平左非洲球队喺世盃决赛周最佳成绩。事隔16年，今次塞内加尔阵中更多为人熟悉嘅球员，包括效力利物浦嘅沙迪奥文尼、史笃城嘅马美迪奥夫、爱华顿嘅伊祖沙古尔等英超兵，仲有曾经效力拉素、现已转投摩纳哥嘅前锋基达巴尔迪，全部都已喺球会级比赛证明自己身价，有力成为今届一路奇兵。

况且，此组被视为今届实力最平均嘅一组，每仗比赛都要搏尽，既然两军都系攻强于守，预计今场会有唔少入波出现，捧2.5球嘅大盘最明智。