英超周五又嚟特别场，有场护级大战卡迪夫城对狼队。两支升班球队首次喺英超碰头，固然想赢波攞个彩，可惜两军脚头无灵，每场平均入球不足1球，今场似乎系闷战居多，捧2.5球入球细瞓醒等收钱。
（Now 621周六凌晨4时直播）
英超赛会为左疏导球赛，安排一啲冇欧洲赛嘅球队喺周五场联赛，此举系无可厚非，但对于亚洲地区球迷嚟讲，呢啲赛事真系鸡肋，星期二至四捱夜睇完欧联同欧霸，周五呢啲戏码嘅波，除非你系超级球迷，否则真系唔会理。
场均入波唔够1球
不过唔好睇同唔好赌又系两回事，畀少少统计数字出嚟，大家就知应该点玩。卡迪夫城13场英超製造11个入球，平均每场射波11.4次，场均入波0.85球，射球成功率只得7.5%。狼队13场入12球，平均每场射波14.3次，场均入波0.9球，射球成功率只得6.5%，狼队仲要有2个入波嚟自12码，可见要呢两队由生波创造入波几咁难。数据话晒你听，今场入波一定唔会多，买定中位数2.5球入球细，瞓醒觉起身收钱个感觉都几好嘅。