锡菲联主场恶 今晚深夜英联盃战火延续，赛事来到第二轮终于有英超球队登场，李斯特城将会作客布拉莫巷体育场出战英冠球队锡菲联。 （周三凌晨2时45分开赛） 「狐狸」英超继作客3比4惜败阿仙奴后，岩岩再以2比0轻取升班马白礼顿，开咧两战一胜一负，球员表现唔算失礼，不过上场球队主力射手占美华迪喺比赛末段伤出，虽然领队格力沙士比亚赛后表示只系虚惊一场，问题唔大，不过呢场英联盃，呢位前锋连埋一班主力球员都应该会被收起。不过畀佢的抖抖都岩嘅，皆因四日后，李斯特城就要迎来一场硬仗，作客奥脱福球场火併近期势不可挡嘅「红魔」曼联。 主队方面，锡菲联开咧三场主场全部赢晒，加埋上季同赛前热身赛嘅成绩，佢的喺主场已经12场不败，其中只系和过一场，嚟紧面对副选应战嘅李斯特城，主队乘住主场个势，受让情况下随时会有惊喜，捧让球主胜就最稳阵。