卫冕法甲嘅摩纳哥新季虽然面对唔少主力离队局面，但依然能够喺首两周拎到全胜佳绩，阵内超新星基利安麦巴比上轮联赛疑因扭计转会被「雪」，坐足全场冷板，点知班波单靠一个法卡奥发威连中三元，一样大胜而归！家阵着晒火嘅摩纳哥，今晚会作客梅斯力争3连胜，信得过佢的超强火力，今场「让客」值得捧场，过关靠晒佢呀！ （无綫myTV Super 303周六凌晨2时45分直播） 梅斯开季两连败 摩纳哥教练查甸强调家阵收起基利安麦巴比，都系为佢好，而唔系罚佢，怕佢为前途去向分心，影响演出啫。不过无论查甸点讲都好，至少摩纳哥仲系火力劲爆。佢的开季头两场先后击败图卢兹同迪安，两场射入7球，系法甲火力最强球队，今铺佢的对住嘅系开季两连败嘅梅斯，要大胜应该易如反掌。 串埋标准列治伯明翰W 其馀两关，先拣场比甲标准列治主场对华雷根，主队上场作客输畀圣图尔登，有射手奥兰度沙同防线主力哥连斯法伊齐齐被逐，其中球队已为奥兰度沙停赛提出上诉，即系今场可以照样落场搏杀，肯定会搏命。反而华雷根上轮畀布鲁日打破不败身，仲有箭头利耶离队转投奥伊本，此消彼长今场信唔过，一于捧主胜。 尾关要场英冠波伯顿对伯明翰，伯顿开季3战全败劲失7球，豆腐防线任人砌，伯明翰主帅夏利列纳部署转打3后卫，加强中前场压迫力，选择客W守尾门稳阵。