阿布桃花劫拖累组军 近日车路士茶馀饭后话题，离唔开班主阿布拉莫域离婚嘅新闻。你可能话班主离婚关队波乜事，但阿布手握财政大权，买乜人都要问过佢先，车仔今季组军屡遇阻滞，同佢分心处理私事不无关系，车仔季初未必过到呢个「桃花劫」，今晚主场斗般尼要让球半/两球太过辣，宁捧1.95倍下盘！ （Now 621及LeSports HK应用程式周六晚10时直播） 热爆中港台嘅神剧「三生三世十里桃花」十足阿布写照，佢经历过3段婚姻，第一段最短暂，第二段婚姻亦系失败收场，阿布仲分左10亿镑身家畀前妻，咁岩嗰年阿布就炒左如日方中嘅莫连奴，可见佢嘅感情生活绝对会影响球队政策。 班主闩水喉干地都冇瘾 阿布第三段婚姻就系大家熟悉嘅茹科娃，10年感情过后同样玩完，估计阿布又要使一笔，仲点会再开水喉买人！「老细足球」放诸四海比比皆是，就算系欧洲一流球会车路士，亦只不过系多啲人服侍老细咁解，领队干地组军过程处处受掣肘，早已冇乜瘾，之前传过想离队绝对唔系煲水。 车路士现时兵源紧绌，一队成员得21人，当中迪亚高哥斯达只系等走，主将夏萨特及新加盟嘅泰莫尔巴卡约高仍养伤，域陀摩西斯又要停赛，唔计部分新仔，担到大旗嘅得15、6人，新加盟嘅艾华路莫拉达未有料到，简单讲成队波根本未Ready，季前热身赛表现亦麻麻，所以乐比决定继社区盾后再次「反车」！ 般尼「泊大巴」随时有斩获 客队般尼实力平平，不过副队长宾美就话好有信心可顶住车仔。般尼胜在有自知之明，做好防守未必冇得爆冷，上季主场就和过车仔，作客斗Big 6曼城、热刺、阿仙奴、利物浦及曼联都成功开出下盘，车仔今场要让球半/两球，赢两球先食得半个盘，下盘值博好多！