今晚英超压轴尾场，由「蓝月亮」曼城作客新升班嘅白礼顿。曼城今夏大肆扩军，誓要一洗上季四大皆空嘅颓风，而且佢的近两季专剋住升班球队，今仗实搵冇英超经验嘅白礼顿祭旗现霸气，但客胜得1.24倍冇肉食，加上主帅哥迪奥拿进攻大过天，捧中位数2.5球嘅入球大更佳。 （Now 621及LeSports HK应用程式周日凌晨零时30分直播） 哥帅落柯打省番靓招牌 「英超土豪」曼城上季仅获季军冇盃落袋，对于上季加盟嘅名帅哥迪奥拿嚟讲属奇耻大辱，甚至有唔少质疑佢嘅声音，迫使哥帅今夏大洗牌，签入摩纳哥孖宝贝拿度施华及班捷文文迪，并将两大右闸基尔获加及丹尼路雷斯收归旗下，连同贵价门神艾达臣摩拉斯加盟，攻守更趋平衡，希望开咧战省番靓个招牌。 另一边厢，历史性首次升上英超嘅白礼顿，经验输蚀之馀，正选门将大卫史托达唔肯续约转投伯明翰，而37岁后备门将安卡格连亦退役，临急签入华伦西亚门神马菲赖恩，睇落都牙烟！睇番曼城近两季12次对住升班球队，录得9胜3和强劲佳绩，不过今仗客胜得1.24倍咁乏味，而且哥帅向来崇尚进攻，遇「新丁」必尽情狂攻展现霸气，佢上季带队联赛6斗升班球队，5次开3球或以上，2.5球嘅大盘有1.52倍绝对稳阵。