两队季前受到主力球员离队传闻风波困扰嘅球队，周六晚将迎来新赛季英超嘅第一战。上赛季排名第8嘅修咸顿喺主场面对上届最后阶段惊险护级嘅史云斯，修咸顿近5季英超主场第一仗都赢唔到波，今届好有可能再次和气收场，和波值得追捧。 （Now 624及LeSports HK应用程式周六晚上10时直播） 修咸顿史云斯锋力都差 上季出色表现有目共睹嘅荷兰后卫华基尔云迪积克，出走似乎已成定局，成为又一位出走圣马利球场嘅人才。而「圣人」另一大变动就喺新上任嘅主帅比历坚奴，佢之前喺西甲曾带领升班球队艾拉维斯取得第9名成绩，仲闯入过西班牙盃决赛，教中游波颇有心得，不过依然要解决球队锋綫疲弱嘅问题，开季能否脱颖而出就要睇当家射手查理柯士甸造化。史云斯方面，首席球星基菲尔施古臣成为爱华顿追逐多时嘅对象，呢位球员过去几年喺「天鹅」前场可谓擧足轻重，「冰刀」作用非一般球员可替代，来季若果只靠西班牙中锋洛兰迪，史云斯攻力势大大折扣。两边锋力欠奉嘅情况下，呢场好大机会闷和。