英联盃越级挑战未惊过 今晚英联盃连场激战，阿king搵到3场好野，最有心水系洛达咸主场对林肯城。洛达咸降班后星散，就算有地利亦靠唔住，遇上越级挑战嘅林肯城难言稳胜，林肯城受让必捧1.67倍让球客胜。 （周三凌晨2时45分开赛） 讲左洛达咸主场迎战林肯城先，主队洛达咸虽然联赛级别较客队高一级，但球队今季降落英甲后球员四散，成个阵容转晒，虽然喺季前热身赛赢多输少，但一到联赛「打真军」，开咧即吞费列活特两蛋，似乎人脚仲未执掂。反观林肯城贵为新赛季英乙升班球队，联赛开咧即作客逼和韦甘比2比2，睇嚟状态唔错，可乘势越级追击，仲有得受让必捧让球客胜。 卢顿前锋Sharp醒玩「大」佢 至于卢顿主场迎战叶士域治，主队卢顿上轮联赛坐镇主场8比2大炒对手，火力惊人，其中占士哥连斯戴帽弗到震，面对高两级嘅叶士域治，随时合演入球骚，开入球大绝对唔系梦。 最后推介系牛津联主场对车顿咸，双方近5次交锋，牛津联未赢过之馀输左2场，明显畀车顿咸食住，今场点让得起对手呀？一于捧让球客胜。