周二凌晨德乙独脚戏，圣保利主场斗特雷斯登，双方首轮都旗开得胜，但圣保利表现明显胜一筹，圣军近4次主场对特雷斯登都赢波，包括上季淨赢两蛋，双方今季水准差距更远，睇怕特雷斯登都几难爆冷，圣保利让半一，黑柴撑上盘。 （周二凌晨2时30分开赛） 圣保利今季前线最大进补，系由哈化柏林签入31岁射手艾拉基，呢位突尼西亚国脚级数经验兼备，喺季前热身赛已经令人留下深刻印象，开季仲即时嚟料，首轮联赛作客面对实力相当嘅波琴，佢喺前线无论盘、传、射同停球，都有超班感觉，帮助球队作客攞晒3分，上周中圣保利同英超嘅史笃城踢左场热身赛，佢为球队首开纪录，圣保利得以大胜4比2。艾拉基同上季加盟嘅摩洛哥国脚布夏迪斯，组成「非洲双箭」，球队火力远胜上季，今晚首次喺主场出击战意十足，有足够信心取得连捷。 特雷斯登前线失3重心 客军特雷斯登上季成绩唔曳，但今夏失血太多，上季射入16球嘅星级射手古舒基过档恩高斯达特，球队进攻策动泉源翼锋高基亚去左柏林联，前线10号仔史提芬尼克就升格德甲加盟禾夫斯堡，呢3粒星喺现阶段都系难以代替，而且佢的首轮主场面对弱旅杜伊斯堡，都要苦战至完场前至奠胜，火力同上季差得远，今晚作客圣保利嘅地狱球场凶多吉少。