阿King今日主要玩比甲，比甲球队嘅球员大执位，喺转会市场最积极嘅系上季只得联赛第4嘅真特，佢的暂时花左1,260万欧元（约1.16亿港元）收购球员，喺比甲算系大手笔，球会明显要喺今季大展拳脚，开咧首战作客遇着有3大主力离队嘅圣图尔登，当然要攞头威，客W有2.05倍，绝对抵买。 （周一凌晨零时开赛） 真特近10年喺比甲争标都系得个近字，经常都系排3至5，最肋于2015/16球季攞到联赛亚军，上季又跌出三甲。球会痛定思痛，今季大幅增兵，主要针对中前场线，明显要同列强争霸。真特由上季克罗地亚甲组联赛冠军列积卡，撬走进攻中场安德利查思域，又喺比甲嘅奥伊本抢走前锋马马度史拉，呢名塞内加尔球员上季为奥伊本射入11球，系球队次席射手，可以提高真特把握力，另外，球会亦从对手查内尔罗致左法国防守中场达美安马克，呢名中场化守为攻本领不俗，可为真特带来新景象。 相反，真特今仗对手圣图尔登被人煎皮拆骨，3大主力达高南、谢根斯同彼得斯离队，实力大打折扣，加上真特周中踢左欧霸外围赛，已经有一场正式比赛热身，状态亦已操起，客W不容错过。 串梅赫伦细基尔半场和 至于同日梅赫伦对标准列治，梅赫伦射手云拿贝希畀布鲁日撬走，标准列治又大换血需时磨合，今场入波未必多，拣中位数2.5球嘅入球细。最后拣埋场德乙基尔对辛特侯逊，基尔等左36年至回升德乙，新签5名有德甲或德乙经验战将，相信主场出击可以顶得住多年来于德乙中游浮浮沉沉嘅辛特侯逊，拣半场和。