国冠盃美国站听朝上演「英超争霸战」，上季英超季军曼城大战亚军热刺。曼城豪花超过2亿英镑买人，增兵赢晒一个鏰都未使嘅热刺，不过曼城经历大变革后适应需时，相反热刺一众主力夹左几年，佢的嘅「高效足球」亦专剋曼城「华丽足球」，今仗捧热刺W好路。 （Now 633周日早上6时直播） 基尔获加倒戈点火头 继买入中场贝拿度施华同门将艾达臣摩拉斯外，曼城最近再动用逾亿镑买入班捷文文迪及基尔获加两闸，其中基尔获加就系由今仗对手热刺过档，呢位英格兰国脚倒戈前仲开火，直指热刺冇争冠军嘅风范，无疑为呢场热身赛增添火药味。 热刺大多数主力今夏都冇参加国际大赛，季前操练完全跟足，近期热身赛就曾4比2大破巴黎圣日耳门，上仗对罗马喺落后2球下连追2球，到最尾先不幸输2比3。球队喺普捷天奴带领下，踢压迫、体力化嘅效率足球，近4次对曼城3胜1和，热刺无论踢法、状态同默契都有优势，值得支持。