今晚日职重头戏，由神户胜利船喺主场御崎公园竞技场迎战大宫松鼠，亦系「王子」普多斯基今夏瞩目上「船」后嘅日职首骚，对住「尾3」嘅松鼠，仲唔系「王子」打响头炮嘅好时机？1.72倍主胜咪错过。 （周六晚6时开赛） 普多斯基系自2010年世盃神射手科兰加盟大坂樱花后，最具分量转战日职嘅外援球星，虽然好多人觉得佢近年渐走下坡，但以其质素，嚟到日本依然系超晒班。「王子」早前热身赛以2比2打和仙台维加泰，上半场送出靓助攻后即被换出，摆明锡住嚟用，近日亦不接受採访，专心练习，明显系养精蓄锐斗松鼠。对于「王子」来投，胜利船全队上下士气大振，势必加多几钱肉紧比赛。 松鼠大执位磨合需时 至于松鼠方面，5月代替涉谷洋树领军嘅伊藤彰，早前签入韩职济州联「10号仔」马些路杜斯卡奴、葡超摩里伦斯中场卡奥两名巴西援兵，同时放左33岁塞尔维亚前锋美迪查、斯洛文尼亚中场比斯尼克去日乙湘南比马同日丙枥木SC，仲制订一套「传送足球」（Pass Football）战术，讲求控球在脚，前线只用单箭头先求稳阵。伊藤彰话就话2名新兵，战术理解力强适应得好快，但阵容同打法大变，边有咁快磨合到呀？ 况且双方近6次正面交锋，胜利船赢左4次，尤其喺御崎公园竞技场3战大宫，取得2胜1和未输过，今仗仲系「王子」于日职头炮，梗系唔衰得喇，松鼠好难全身而退，主胜乃不二之选。