防线稳VS铁桶阵 美洲金盃听朝上演第2场4强战，由卫冕嘅墨西哥对住牙买加。墨西哥继续用二线兵出战，佢的前线把握能力，难及冇出征嘅「小豌豆」查维亚靴南迪斯等主力，好彩胜在防守稳健，连续3仗保持清白之身，加上淘汰赛大家难免踢得保守，斯维宁捧中位数2.5球细盘。 （周一早上9时开赛，马会网上文字直播） 墨西哥B队缺顶级射手 墨西哥未有学死对头美国，一去到淘汰赛阶段即补选主力入伍，续用分组赛嗰班二线兵出战，佢的喺今届4仗嘅6个士哥，由6名球员攻入，但亦反映出「仙人掌国」要靠整体合作，去弥补冇顶级射手压阵嘅问题，始终佢的嘅级数，点同「小豌豆」查维亚靴南迪斯、杜斯山度士、卡路士韦拿等主力相提并论？幸好墨西哥防守表现唔错，今届4仗只失1粒，更连续3仗冇失波，证明其他中北美洲等閒球队，要攻破墨军城池绝非易事。 近6战牙买加5次开细盘 另一边厢，牙买加今届加入唔少年轻球员，虽然活力十足，可惜普遍经验欠奉，但系睇番佢的今届4仗只失2粒，守得两嘴，今仗面对墨西哥一定摆铁桶阵。查实双方近6次交手，有5次总入球开2球或以下，况且踏入淘汰赛阶段，打得保守啲亦属人之常情，墨西哥主胜得1.39倍冇乜肉食，宁愿捧有1.61倍嘅入球细好过。