国冠盃中国站赛事，德甲班霸拜仁慕尼黑于深圳斗意甲AC米兰。拜仁今次亚洲之行锋线精锐尽出，新加盟嘅占士洛迪古斯、罗拔利云度夫斯基、汤马士梅拿、列贝利等等，上仗对阿仙奴都有份上阵，不过防线喺补时阶段失守，被对方伊禾比顶入，最后更在互射12码阶段落败，显然集中力有待改善。 双方防线有待改善 AC米兰上仗同于深圳以1:3不敌多蒙特，波连尼、列卡度洛迪古斯、基斯尔、查汉奴古、梅沙基奥等新兵皆有份落场，不过由于太多新球员，队友之间嘅默契似乎唔算太好，例如上仗对多蒙特喺头20分钟AC已经连失2球，好彩前线嘅卡路士巴卡交到功课，AC先至唔使输得咁难睇，考虑到呢场只系季前热身赛，双方皆抱住练兵心态，相信入球数字唔会少，捧大盘最稳阵。 （Viu TV 96及Now 633周六下午5时35分直播）