「狼女」迪克雯专克冰岛 喺荷兰举行嘅女子欧洲国家盃，周日凌晨上演C组次轮赛事，首战齐齐落败嘅由冰岛女同瑞士女足正面交锋，为保出线希望肯定唔会放软手脚。冰岛女足虽然大赛经验略为优胜，但单睇该队近2届欧国盃决赛周8仗仅获1胜，证明难登大雅之堂，捧瑞士女足客胜。 （有线61、64、201、203台及奇妙电视77台周日凌晨零时直播） 儘管瑞士女足系首度杀入欧国盃决赛周，不过佢的喺外围赛8战全胜，犹如狂风扫落叶嘅表现，可见呢支以比坚妮、歌洛格维奇为首喺德国搵食嘅女将，喺高水平赛事历练下进步神速，而效力劲旅禾夫斯堡女足嘅迪克雯，更加系冰岛女足剋星，两军近3次交手，「狼女」迪克雯皆有士哥一共入左4球，协助「女十字军」3战皆捷，冰岛女足今仗再遇剋星难有运行，客Ｗ好路。 法国勒住上盘牙烟 同组另一仗法国女足大战奥地利女足，牌面上法国女足赢面极高，佢的阵中有半队球员嚟自里昂女足同巴黎圣日耳门女足两大势力，合作性同卡士都唔成疑问，不过佢的分组赛似乎未显出真功夫，上仗小胜冰岛女足就勒住勒住，依家既然已经有3分在手，更加唔会同奥地利女足搏命，让球盘「法女」要让球半、两球太辣，捧奥地利女足下盘仲好路。