BMW球场出击例少交收 周日晚日乙爆发前列之战，「1哥」湘南比马主场硬撼第6位的东京绿茵。湘南喺BMW球场两战绿茵1胜1和不败，小让平半可以话系笋盘，问题系湘南呢两场波都开细，中位数2.5球嘅1.65倍入球细先系投注首选。 （周日晚6时开赛） 由于上轮劲敌福冈黄蜂意外输波，湘南比马现以1分之微升上榜首，虽则早前从日职球队大宫松鼠签入前锋美迪查，不过今场多数唔出住，但系上仗坐波监嘅首席前锋甸尼尔，刑满可以重披战袍，以佢的过去主场10战绿茵取得5胜3和2负嚟讲，今场赢波好合理。但系湘南一向稳阵至上，今季22仗联赛，累积攻入25球唔算标青，不过仅失17球，与松本山雅并列联赛失球最少球队。最值得注意嘅系，湘南10战绿茵往绩入面，喺ＢＭＷ球场出击嗰两场分别赢1比0同和1比1，其馀8场喺平塚踢先至较多开出入球大，今场咁岩就喺ＢＭＷ球场打，1.7倍上盘显然唔及入球细稳阵。 升班关键 绿茵求稳阵 对手绿茵向「罗马王子」托迪招手失败，要争前2名直接升班难度不小，但仍要抢分力保前6的升班附加赛席位，因此今战被日本足球界形容为升班席位争夺嘅分水岭。虽然喺首循环联赛绿茵主场仅输2比3，所以视今场为复仇之战，然而绿茵硬撼湘南之馀，其实希望至少喺湘南地头攞1分，以免分差被拉开，一定会稳中求胜，唔会冒进，一于捧入球细。