上轮丧攻食白果冇face 喺美国举行嘅美洲金盃，听朝上演C组尾轮赛事，其中弱旅库拉索要硬撼卫冕嘅墨西哥。墨西哥上仗狂攻之下被牙买加闷和，冇晒飞士，主帅奥苏里奥落柯打今仗继续3箭齐发，撞正库拉索有主力守将积高巴上阵成疑，随时成为「仙人掌国」嘅出气袋，就算让2球照捧让球客胜。 （周日早上8时30分开赛、马会网上文字直播） 卫冕嘅墨西哥一向都系中北美洲老大哥，总共攞过7次美洲金盃，包括近4届赢左3届，连美国都要行埋一边。不过，墨军上月要出战洲际国家盃，因此兵分两路，「小豌豆」查维亚靴南迪斯等主力就打洲际盃，而美洲金盃则起用2线兵，首仗轻取萨尔瓦多3比1后，上仗採用3叉戟奥拜连派尼达、艾历托利斯及艾利斯靴南迪斯狂攻牙买加，竟然被闷和0比0。 虽然墨西哥仍累积4分排第1，对出线冇大影响，但贵为夺标大热，咁样失分真系冇晒face，搞到主帅奥苏里奥备受压力，佢讲明今仗续派3叉戟杀敌之馀，仲会加埋进攻中场马田巴拉根做支援，摆出丧攻阵都咪话唔得人惊。 库拉索主力守将受伤 另边厢，库拉索头2场输晒兼冇波入，今仗要赢波先有机会出线，不过主力积高巴上仗伤出，今仗好大机会缺阵，冇埋呢位守将兼要焗攻，盏死多两钱重，墨西哥就算让2球都冇有怕，直取让球客胜。 萨尔瓦多牙买加对攻 早少少开波嘅同组赛事，牙买加火併萨尔瓦多，依家牙买加有4分排紧第2，领先萨尔瓦多1分，查实牙军出线在望，冇晒心理包袱之下，主帅韦摩亚扬言今仗唔会保守，咁岩萨尔瓦多想晋级最好系攞多1分，亦唔会坐以待毙，斗攻格局捧入球大更佳。 （周一早上6时开赛）