今晚日本天皇盃第3圈上演日职「首尾」对决，由新潟天鹅于主场迎战联赛「1哥」大坂樱花。天鹅依家喺联赛排紧包尾，护级形势水深火热，边有咁多馀力去兼顾盃赛呀，面对弗到漏油嘅樱花难逃厄运，1.68倍客胜不容错过。 （周三晚6时开赛） 查实计埋今仗在内，两军喺今季联赛连盃赛已第3度碰头，之前2次樱花都赢波，包括喺联赛首循环大胜4比0，足证双方实力差天共地。今季重返日职嘅樱花状态大勇，上仗联赛以2比1击败柏雷素尔，联赛连盃赛近5仗全胜共入13球，唔单只力压鹿岛鹿角升上联赛榜首，而且樱花近2仗皆在半场落后1球嘅劣势下，成功反胜对手，可见韧力十足，依家士气、信心达到高峰。 相反，天鹅今季演出惨不忍睹，联赛踢左18仗攞得8分咁大把，系唯一得个位数字积分嘅球队，难怪做紧包尾大幡喇，降班危机日深，下半季需要将全副心机放晒喺护级。 天鹅护级盃赛hea踢 天鹅喺盃赛表现亦麻麻，先喺日联盃分组赛包尾出局，喺上圈日皇盃迎战低组别球队加古川山贼，亦要踢至加时先险胜2比1，加上天鹅近5仗主场法定时间仅得1和4负，为免两线作战影响护级，今仗随时「壮士断臂」唔去尽，一于捧樱花客胜。