美国举行嘅美洲金盃，明早上演C组赛事，上届冠军墨西哥对萨尔瓦多。早前为墨西哥出战洲际盃嘅查维亚靴南迪斯、卡路士韦拿等星级主力都获淮放假，并冇入选，领队奥苏里奥以墨超球会土炮阵容出击，实力打折扣。最大镬系奥苏里奥被罚停赛6场，今届都唔可以喺后备席亲自指挥球队作战，难炒萨尔瓦多，宁愿拣中位数2.5球嘅入球细。 （周一早上9时开赛、马会网上文字直播） 墨西哥近4届美洲金盃3次夺冠，但近2届表现慢热，上届分组赛3战仅1胜2和，更何况今届以「B队」参赛，人脚实力唔及早前踢洲际盃嘅「正规军」。领队奥苏里奥更因为喺洲际盃季军战侮辱球证，被国际足协重罚停赛6场，换言之，就算墨西哥入到决赛，佢都唔可以喺场边亲自领军。墨西哥本身阵容「拉杂成军」，仲要冇埋主帅指挥比赛，随时乱晒阵脚，不宜高估。 萨尔瓦多破蛋乏力 至于萨尔瓦多近年水准走下坡，早前更喺世盃外第4圈A组包尾出局，完全冇料到。加上萨尔瓦多近6次对墨西哥，全败收场，今场要爆冷固然难过登天，就算入波机会亦好微。幸好墨西哥今届人脚麻麻，萨尔瓦多应该小负居多。