美洲金盃周六早上喺美国揭开序幕，率先上演A组首轮两场赛事，最瞩目必定系洪都拉斯硬撼争标分子哥斯达黎加。哥斯达黎加续以祖尔甘保为首嘅2014年世盃班底，争盃野心路人皆见，但对住同组最强嘅洪都拉斯，为免「声大大冇货卖」，势必打稳阵波，加上双方近年碰头「交投淡静」，捧中位数2.5球嘅入球细为妙。 （周六早上9时开赛，马会网上文字直播） 哥斯达黎加坚重视今届美洲金盃，除左皇马门神基罗拿华斯获得免役之外，祖尔甘保、拜仁雷斯、庄尼阿哥斯达等协助球队杀入2014年世盃8强嘅功臣皆有入选，明显想争冠军。洪都拉斯以土炮为主，实力差少少，不过两军近8次交手，哥军赢得1场咁大把，而且全部总入球都唔过3粒，为免首仗有乜闪失，预计唔敢轻敌，加上哥军擅于稳守突击，今仗唔慌多波入，捧2.5球嘅细盘最稳阵。 加拿大让波捧法属圭亚那 同组赛事兼揭幕战，由法属圭亚那火併加拿大。法属圭亚那虽然首度参赛，不过由于佢的唔属于国际足协成员国，令前法国国脚马隆达不受球员踢多过1支国家队嘅限制，可以「转籍」投效，呢位老将曾协助法国喺2006年世盃获得亚军，经验老到，面对近7仗美洲金盃未赢过嘅加拿大，法属圭亚那随时有惊喜，受让之下必捧让球主胜。 （周六早上7时开赛）