C朗闪左仲有「双施华」 至于今晚较早时间举行嘅洲际盃季军战，由葡萄牙迎战墨西哥。虽然葡萄牙王牌C朗因为岩岩出世嘅孖B而提早离队，但「双施华」安达施华及贝拿度施华同样具卡士；墨西哥亦有「小豌豆」查维亚靴南迪斯及杜斯山度士孭飞，加上季军战经常大手交易，随时合演入球骚，捧中位数2.5球嘅1.59倍大盘。 （LeSports HK应用程式周日晚8时直播） 葡萄牙于4强出局，即传嚟代母为C朗生一对龙凤胎嘅喜讯，呢位葡军队长即慈父上身，申请提早离队陪孖B。虽然葡军冇左C朗，但今届打起左「双施华」安达施华及贝拿度施华，其中安达施华更被视为C朗接班人，嚟紧会转投曼城嘅贝拿度施华，擅于喺前场穿针引线，连同两大翼锋拿尼及哥利斯马，葡军火力一样咁劲。 分组赛碰头激和2比2 另一边厢，墨西哥向来重攻轻守，今届踢左4场入7粒，至惨系后面唔稳阵，连同4强战惨败德国1比4在内，今届已失左8粒，连弱旅新西兰都能轰破佢的大门，防线都几脆弱。查实两军今届曾喺分组赛交手，当时就激斗打成2比2，加上近4届洲际盃季军战，总入球至少都有3粒，大家喺冇晒心理包袱之下势必斗攻，望抢季军攞番个尾彩，拣入球大最好路。