听朝美职独脚戏由纽约城主场对明尼苏达联。纽约城不但位居东岸「3哥」，前锋韦拿更频频取得士哥，面对作客4连败嘅东岸尾3球队明尼苏达联，又系韦拿数胡好时机，直取1.99倍让球主胜。 （TVB 302周五早上7时30分直播） 纽约城日前喺打吡战作客2比0勇挫同市死敌纽约红牛，一吐之前7次交手输6次嘅乌气，顺便为上周五牛一嘅主帅韦拉送上最佳贺礼。好多人话纽约城嘅成功纯粹系金钱堆砌，但阵中有位战将令斯维非常佩服，就系前西班牙国脚韦拿，呢位协助「狂牛」连夺欧国盃及世盃嘅士哥王，嚟到美职并冇Hea踢，佢为纽约城披甲81次入左51粒，比起阵中另一球星、近期失落正选嘅派路，韦拿用行动证明唔系嚟等退休，协助纽军近4仗联赛录得3连胜，有办你睇。 明尼苏达联作客曳爆 美职新军明尼苏达联表现差强人意，尤其作客例必脚软，今季9次客场出击，录得2和7负未赢过，单计近4仗作客赛事全部输晒，加上班拿度安罗、迪维拿迪及宾特卡尔文等多名主力养伤，瓣瓣都唔掂势必畀纽约城打谢，一于撑主队大胜而回。