4强战唛死敌方炮台 喺俄罗斯举行嘅洲际国家盃今晚爆发4强大战，由欧洲之王葡萄牙恶斗南美冠军智利，今仗入球希望落喺两大人气球星基斯坦奴朗拿度（C朗）同阿历斯山齐士（A山）身上，不过两队今届防守表现出色，两位射手被重点唛实未必轻易交到货，预期双方都会稳阵为先，2.5球嘅入球细有1.62倍绝对可取。（LeSports HK应用程式周四凌晨2时直播） 连续零封对手葡军防线稳 由于应届世盃冠军德国今次只派二线兵出战，所以葡萄牙同智利今届被视为最有实力问鼎冠军嘅两大热门。葡萄牙喺A组表现较为抢镜，除左首仗畀墨西哥逼和2比2，之后2仗分别以1比0击败东道主俄罗斯、以及4比0大炒新西兰，顺利拎到首名出线资格，连续两场零失球证明防守值得信赖，由老大哥比比领导嘅防线可以话系铜牆铁壁。 讲完防守讲进攻，葡萄牙喺小组3战入7球睇落唔错，但主因系小组对手唔算强劲，当遇上稍为硬淨嘅俄罗斯，就只能险胜1比0而回，表面强大嘅锋力好可能只系泡沫。要知道智利防线极为坚稳，今届3仗分组赛从未试过单场失多过1球，全场紧迫踢法亦有效压制对手组织，相信葡萄牙唔会有太多机会製造畀C朗埋门。 「A山」伤患困扰难破关 不过智利本身锋力同样有隐忧，进攻几乎靠晒阿历斯山齐士单天保至尊，球队喺B组3仗1胜2和得5分次名出线，总共只系入左4球，最弊系「A山」饱受足踝伤患困扰，就算能够勉强上阵都好易被「盯死」，智利破关能力相信会大为削弱，今晚两军都会针对性守住对方嘅王牌射手，好大机会成为拉锯战，2.5球嘅入球细开出机会高唱入云。