分心亚冠 主力跌Watt 日职今日连场大战，当中鸟栖砂岩将会迎战浦和红钻。早前一度高踞榜首嘅红钻，名气同牌面都赢晒，不过佢的近期状态直插谷底，联赛2连败后已经跌落中游位置，今仗造访主场威力超强嘅鸟栖砂岩，完全睇唔到有乜本事让波，鸟栖砂岩让球主胜属不二之选。 （有线64及203台周日晚6时直播） 红钻因为分心亚冠盃赛事，喺日职表现大幅下滑，近6仗联赛只得1胜1和4负嘅差劲战绩，目前喺联赛榜已经跌落第8位，佢的早前喺国际赛期间，特别搵大学球队踢热身赛，竟然都要喺落后2球下先至逼和对手2比2，睇得出班球员信心同士气都好曳下。 红钻主力射手拿费尔达施华养伤1个月后，上仗复出后备落场未有表现，状态明显不足，连带前锋拍档兴梠慎三亦威力大减。主队鸟栖砂岩情况岩岩相反，早前离队代表日本出战世青盃嘅前锋田川亨介，上仗联赛获得休息后，今仗可望以最佳状态出战。 鸟栖砂岩主场超硬淨 事实上，鸟栖砂岩排名虽然偏低，但喺主场出击威力唔讲得笑，球队近6仗联赛主场，一共拎到5胜1和佳绩，其中5场胜仗都可以「零封」对手，主场防守能力达一流水平，今仗受让之下，2.5倍让球主胜系最佳投注选择。