今日虽然有唔少好波，但讲到笋盘，King最有心水系听朝美职独脚戏，由波特兰伐木者主场对西雅图海湾者。伐木者唔单止连输3场，仲伤兵一大箩，就算有地利亦不宜高估，海湾者今仗有力全身而退，受让必捧让球客胜。 （TVB 302周一早上10时30分直播） 丹普西撑住唔赦伐木者 波特兰伐木者近期行紧衰运，联赛连盃赛竟然录得3连败，包括上周中快车作客以2比3不敌西岸弱旅明尼苏达联，嗰场波仲有主力10号仔施巴斯坦白兰高做「红牌阿姑」，今仗要坐波监。祸不单行，伐木者一直饱受伤兵困扰，迈亚斯、积班比、麦托斯、莱尔米拿、列治维等仍未好番，个阵咁残唔多靠得住喎。另边厢，海湾者虽然作客唔肋，但胜在冇乜伤兵，有美国国脚丹普西助阵可稳定军心，加上近5次交手，海湾者录得3胜1和仅1败，仲有得受让咁笋，让球客胜咪错过。 串甘美奥胜小保加让主 至于巴甲上演榜首大战，由「2哥」甘美奥主场迎战「1哥」哥连泰斯，两军开咧后均表现弗爆，不过甘美奥连盃赛在内主场7连胜，况且近6次喺自己地头对住哥连泰斯赢5次，格食格下主胜捧得过。最后阿甲煞科，新鲜出炉嘅冠军小保加主场对圣达菲联，小保加返回「糖果盒」开夺冠派对，必大踢性感足球娱宾，圣达菲联无谓扫人兴，一于捧让球主胜。 （TVB 302周一凌晨3时15分直播）