葡萄牙迎「冇骨鱼腩」 喺俄罗斯举行嘅洲际国家盃，今晚A组两场煞科战同时间上演，其中新西兰喺圣彼得堡球场对葡萄牙。笃定出局嘅新西兰完全系「冇骨鱼腩」，近11仗洲际盃输足10仗，曳到冇朋友，相反葡萄牙王牌Ｃ朗拿度旺气逼人，对住弱旅仲唔尽情数胡羊，就算让球主客和萄葡牙让到两球都冇有怕，直取1.9倍让球客胜。 （LeSports HK应用程式周六晚11时直播） 大洋洲「山寨王」新西兰实力曳爆，历来出战洲际盃均志在参与，阵中主力如史美斯、马高洛查士及巴巴路西斯等只属「澳职」级数，点同各地列强斗过，佢的近11仗洲际盃输足10仗，斤両有限，依家笃定出局冇埋士气，若然今仗早段失波，随时崩溃大败1场。 葡萄牙头两仗1胜1和，今仗只要和波就够出线，不过王牌Ｃ朗旺气逼人，上仗靠佢一箭定江山击败主办国俄罗斯，唔单止系佢首个洲际盃入波，亦令佢完成世盃、欧国盃、奥运及洲际盃都有士哥嘅「大满贯」，以呢位队长斗心咁强兼要威嘅性格，对住「冇骨鱼腩」新西兰，又点会求和出线咁失礼，梗系要全力数胡，争取得失球优势以首名晋级，相信葡军唔会对新西兰手软，宁买当头起，让球主客和葡萄牙要让两球都唔使惊，照捧1.9倍让球客胜。 俄罗斯尽砌 平手盘有计 至于同时间开波嘅东道主俄罗斯火併墨西哥，现时俄军只得3分，1分落后畀墨西哥及葡萄牙，由于葡萄牙极大机会击败新西兰，因此俄罗斯今仗可谓非胜不可，为保面子斗心必坚，况且近4届洲际盃主办国最少能够杀入4强，平手盘博得过。 （LeSports HK应用程式周六晚11时直播）