U21欧国盃今晚又举行A组赛事，焦点必属斯洛伐克U21对英格兰U21。「幼狮」英格兰U21雷声大、雨点小，首仗全靠贵价门将比克福特扑出12码，惊险同瑞典U21打和0比0，表现令人失望，小心中伏「名牌效应」。斯洛伐克U21旗开得胜后，有3分在手，唔需要太冒进，「幼狮」更加难咬入佢的，宁愿博入球细。 （周二凌晨零时开赛） 英格兰U21上仗排出433阵式，但进攻效率欠佳，9次射门竟然只有1次中目标，修咸顿翼锋列特文，同上季英冠入23球嘅阿巴谦都冇料到。领队保夫莱特全场只作出1次换调动，未知佢系满足于攞1分，定系已经冇晒计，唔识应付逆境。今仗遇到斯洛伐克U21，随时又老鼠拉龟。 斯洛伐克U21最紧要唔输 斯洛伐克U21上仗开波1分钟就失守，但最后以2比1反胜波兰U21。斯军吸取教训后，今仗应会打醒十二分精神，否则被实力较强嘅英格兰先开纪录，就好难追。事实上，斯洛伐克U21现时出线形势佔优，今仗最紧要唔输，唔畀英军超前，踢法上应会倾向保守，唔介意「泊大巴」闷和英格兰。 同组波兰U21对瑞典U21，上届冠军瑞典U21上仗「放生」英格兰，今仗对同组最弱嘅波兰U21，正系抢分良机。不过，波兰U21身为主办国，绝对唔想2连败，应会豁出去争胜，双方或会斗攻，捧入球大。 （周二凌晨2时45分开赛）