袋鼠兵态沉防线曳 今日续演洲际盃B组首轮赛事，亚洲代表澳洲斗欧洲代表德国，德国虽然用B队出战，但该国人才辈出，阵中绝大部分球员喺过去一季都系球会主力而且状态出色，实力仍远胜防线只有亚洲水准嘅澳洲，德军让一球、球半，黑柴撑1.98倍上盘。 （LeSport HK应用程式周一晚11时直播） 澳洲世盃外亚洲都唔超 「袋鼠兵团」澳洲近年水准停滞不前，喺世界盃外围赛亚洲区B组分组赛只排第3，并冇明显优势，月初喺主场只能以3比2险胜沙特阿拉伯，比赛过程佔唔到好大上风之馀，防线仲饱食惊风散，之后佢的继续喺主场同巴西拍跳，结果淨吞4蛋全无反击能力，整体状态认真麻麻。澳洲近6场国际赛共失10球，而且防线人才一向紧绌，冇乜变招空间，今次赛事仲有效力般尼茅夫嘅主力守将巴特史密夫，同主力防中积甸拿克因伤缺阵，防线战斗力进一步减弱，虽然中场线米利根可以顶替积甸拿克空缺，但呢位老将已经31岁，活力不如前，亦令澳洲一向倚重嘅体质优势大减，更何况佢的今仗面对年轻嘅德军，想喺体能速度上攞着数就更艰难。 德军达斯拿状态火热 德国队今次派出大量二线兵出征，赛前被批评唔尊重比赛，开波前一日仲要畀FIFA玩一镬，突然捉左8个人去验尿，相信领队勒夫都要交出成绩反击吓，由于同组仲有南美新锐智利同非洲冠军喀麦隆，今仗对最弱嘅澳洲基本上不容有失，可幸德军阵容虽然唔系国家队常规主力，但喺球会表现都相当出色，尤其中场灵魂达斯拿去到巴黎圣日耳门状态火热，今仗难得一班老大哥免役，呢位天才中场孭重飞做国家队领袖，必然要尽骚quali！即使目前德军阵容合作性同稳定性，未必追得上强阵嘅时候，但人人争上位战意更高昂，要击败亚洲级数嘅澳洲依然绰绰有馀。