超能爸B父亲节攞威凼宝宝 「超能爸B」C朗拿度挑战世界之巅！洲际国家盃盃A组赛事，欧洲国家盃盟主葡萄牙今晚硬撼美洲金盃王者墨西哥。首度参赛嘅葡萄牙有「球王」C朗压阵，呢位前锋近期喜事重重，上星期更有代母帮佢诞下龙凤胎，有羊好得过喺父亲节入埋波嚟庆祝？呢位超级爸B季尾状态巅峰，今仗一于同墨西哥玩「大」佢！ （LeSports HK应用程式周日晚上11时直播） 葡萄牙上年历史性首夺欧国盃冠军，除左坐拥大熟大勇嘅王牌C朗之外，球队近几年亦出产左唔少新星，好似葡军一向最弱嘅中锋位置，就打起左米基尔施华呢位多产射手，呢位21岁前锋早前落实加盟AC米兰，佢喺国家队上阵8次就入7球，包括葡萄牙近2仗赛事都入波，绝对唔可以睇小。 至于主角C朗更加系人逢喜事精神爽，佢喺季尾嘅状态劲到冇朋友，计埋皇家马德里嘅比赛，C朗近8仗赛事7场有波入，其中5仗仲系入2球或以上，火力超癫！洲际盃举行前仲盛传C朗多左一个仔一个女，大家等睇佢入波之后，会唔会有特别庆祝送畀2个宝贝啦！ 墨西哥中前场够卡士入波 至于墨西哥一向系中北美洲霸主，单系近4届美洲金盃就3度封王，踢洲际盃经验相当丰富，「仙人掌」今次精锐尽出，包括召入C朗前皇马队友「小豌豆」查维亚靴南迪斯、杜斯山度士等外流猛将，中前场阵容亦够晒卡士，绝对有能力撕破葡萄牙防线，两队都有唔少射得之人，今仗捧中位数2.5球入球大好路。