4连胜坚有态 虽然近排有洲际盃、U21欧国盃等盃赛当道，但阿King最有心水嘅，系听日清晨美职尾场上演嘅东岸赛事，由费城联主场大战纽约红牛。费城联虽然排名比红牛低，但连盃赛主场4连胜明显反弹，相反，红牛近6仗联赛作客全败，今仗主场龙大战客场虫，识拣一定拣费城联主胜喇。 （TVB 302周一清晨5时直播） 费城联今季整体成绩的确不及纽约红牛，未计周末赛果，依家佢的排喺东岸尾2，红牛则位列东岸第7，不过再睇真啲，查实双方只系差4分，绝对唔系强弱悬殊。而且费城联主场出击特别sharp，联赛连盃赛在内，近4仗喺自己地头嘅比赛唔单止赢晒，包括上月初以大胜今仗对手红牛3比0，今仗再次狭路相逢，费城联心理上肯定秤先啲。 红牛客战脚软6连败 相反，红牛仍未能打破作客曳爆颓势，近6仗联赛客场输晒之馀，仲有4仗食白果，可谓攻不锐、守不稳，众将依家每逢作客都冇晒信心，点样对付主场劲恶嘅费城联呀？一于捧主胜。 水原首尔火辣大晒冷 至于今日下昼嘅韩职，水原蓝翼主场对ＦＣ首尔，蓝翼前锋山度士祖利亚近4仗入4球，脚风奇顺，况且ＦＣ首尔近4仗作客总入球皆至少有3粒，斗攻格局捧大最稳阵。最后挪超方面，利尼史特朗主场对维京，利军连同盃赛4连胜弗到漏油，撞正近4仗客场输3仗嘅维京，主胜实食冇黐牙。