皇马兵归队「迪哥」搵出路 今晚世界盃外围赛欧洲区Ｇ组第6轮赛事，轮到榜首西班牙出击，作客对住尾2嘅马其顿。「狂牛」一众皇马兵归队，夫添应战更加醒神，岩岩成为车仔弃卒嘅箭头迪亚高哥斯达，必定化悲愤为力量搏甩髀，希望泊到个好码头，加上近年对赛又食住马其顿，为保「1哥」位唔会脚软，就算让2球照捧让球客胜。 （有线62及202台周一凌晨2时45分直播） 由于皇马喺上周日凌晨欧联决赛先以4:1击败祖云达斯，因此西班牙日前热身赛逼和哥伦比亚2:2之役，「银河舰队」只有对祖记出得一阵嘅艾华路莫拉达及冇披甲嘅拿祖费南迪斯有份打，不过嚟到今仗对马其顿，预计沙治奥拉莫斯、丹尼尔卡华积、艾斯高等皇马兵会悉数上阵，夫添出击更加sharp醒。至于西班牙前锋迪亚高哥斯达，日前透露收到车仔主帅干地嘅短讯，话下季嘅计划冇佢份，「迪哥」上季为车仔重夺英超冠军有功，依家竟被干地当垃圾咁掟走，佢为左前途着想，一定要趁国际赛期争取表现，吸引潜在买家注意泊个好码头，斗心唔使怀疑。 近6对赛全胜马其顿 虽然「狂牛」依家位列Ｇ组「1哥」，但查实与次席意大利同得13分，仅仅凭较佳得失球压住对手，可见首名嘅直接出线资格唔太稳阵，好彩佢的撞正「私房菜」马其顿，双方近6次交手，西班牙全部赢晒摆明超晒班喇。况且「狂牛」喺今届世盃外，除左畀意大利逼和1比1之外，其馀4仗赢晒之馀，当中3仗至少赢3粒，今仗有力大胜而回，「让球主客和」就算让到两球都冇有怕，直取让球客胜。