南美双雄相约澳洲拍跳 今日傍晚两支南美劲旅喺澳洲墨尔本上演重量级国际热身赛，阿根廷火併死敌巴西！阿根廷新帅森柏奥利首次领军，梗係想响头炮，问题係佢刚上任冇耐，恐怕唔够时间摸清球队底细。王牌球星美斯私事繁忙，继日前飞去北京出席商业活动后，月尾又要准备婚礼，肯定锡身避免做「受伤的新郎」，巴西热身赛23连胜值得秤先，捧2.68倍客W！ （周五晚6时05分开赛，马会网上文字直播） 美斯锡身免做「受伤新郎」 阿根廷足总几经波折，早前不惜赔钱撬走西维尔主帅森柏奥利领军，呢位57岁名帅曾助智利捧得2015年美洲国家盃，属有料之人，但佢始终太仓促接过阿根廷帅印，短期内难为球队带嚟改变。阿根廷今场波亦有唔少忧虑，美斯日前去完北京出席商业活动，匆忙飞去澳洲，同埋又要处理月尾嘅婚礼事宜，睇怕难以专心比赛。箭头希古恩同保罗戴巴拿刚为祖云达斯踢完欧联决赛冇耐，回气需时，莫路伊卡迪带伤入选，加上缺少阿古路，呢条锋线星味十足，但状态成疑。 巴西领队迪迪一早批准巴塞射手尼马免役，摆明信心十足，「森巴兵团」中前场仍然人才济济，拥有曼城新星加比尔捷西斯、车路士「罚球专家」韦利安及利物浦大脑菲腊比古天奴等球星，足以抵消尼马缺阵嘅影响。 森巴热身赛23连胜可靠 最重要係巴西踢热身赛一向好认真，自从2013年8月不敌瑞士后，近23场热身赛赢晒，包括击败葡萄牙、智利及法国等劲旅，水准绝对可靠。同埋以90分钟法定时间计算，巴西近5次对阿根廷，取得3胜1和1负，包括上年11月世盃南美区外围赛大炒3比0，今仗喺中立场踢客W有2.68倍咁好分头，值得一试。