车路士孖宝攻坚靠得住 今晚国际热身赛重头戏，由「狂牛」西班牙主场硬撼哥伦比亚。「狂牛」虽有世界盃外围赛后顾，亦预计啱啱踢完欧联决赛嘅皇马球员未必披甲，但以车路士孖宝迪亚高哥斯达及柏度洛迪古斯领衔嘅锋线火力强横，「迪哥」为巩固自己喺「狂牛」地位必搏尽，加上近年「拍跳」剋住南美球队，绝对唔怕哥伦比亚来袭，西班牙让一球，撑上盘。 （Now 670及Fox Sports Play周四凌晨3时30分直播） 西班牙自从喺上年欧洲国家盃16强出局，衞冕失败后即反弹，计晒世界盃外围赛及国际热身赛，录得6胜2和未输过坚醒，虽然今仗对哥伦比亚只属「拍跳」性质，但下周世界盃外围赛只係对实力平庸嘅马其顿，不足为惧，就算沙治奥拉莫斯、艾斯高等皇马众将，啱啱喺欧联决赛激战一场未回气，相信今仗唔会披甲，幸好「狂牛」人才济济，仲畀到车路士孖宝迪亚高哥斯达及柏度洛迪古斯表现机会。 「迪哥」巩固地位必搏命 入籍箭头迪亚高哥斯达成日都畀人批评佢同西班牙嘅传控打法格格不入，但佢今季为车仔喺联赛轰入20球，係重夺英超冠军大功臣，「迪哥」为咗奠定「狂牛」首席中锋位置必定搏甩髀。 另一边厢，哥伦比亚虽然有「老虎」法卡奥压阵，不过西班牙近8次喺热身赛对住南美球队，录得7胜1和未尝败绩，睇得出佢哋食住南美球队，上盘有买趁早。