汉历基杜拉度入球停不了 听朝巴甲有场独脚戏，由前列嘅富明尼斯主场迎战弱旅帕拉尼恩斯。富明尼斯开咧后表现抢缰，尤其係射手汉历基杜拉度脚风奇顺，频有士哥着晒火，撞正仲未开斋嘅帕拉尼恩斯，有力大胜一场，不妨直取让球主胜。（周三早上7时开赛） 上季只排第13位嘅富明尼斯，今季演出脱胎换骨，虽然喺巴西盃爆冷出局，但于南美球会盃成功淘汰蒙特维多利物浦杀入第2圈，而喺联赛一样咁醒，开咧后4场赢咗3场位居前列。富明尼斯走出谷底返晒嚟，全靠射手汉历基杜拉度着晒火，单计联赛就已经入咗6粒，佔咗成队入波嘅3分之2，仲排喺巴甲射手榜「1哥」位添，弗到漏油，就算另一位前锋威灵顿施华因伤上阵成疑亦未惊过。 帕拉尼恩斯残阵兼态沉 相反，沉沦榜下游嘅帕拉尼恩斯，踢咗4场联赛未赢过兼输咗3场，仲要狂失10粒，真係曳到冇朋友，加上菲腊比基度斯、祖云尼巴利安尼及古尔靴美打柴唔出得，残阵出击衰多两钱重，富明尼斯必趁机大打落水狗，一于捧让球主胜。