新兵挂帅经验输晒 正为世盃外同洲际国家盃备战嘅德国队，今晚会作客丹麦踢热身赛。「日耳曼兵团」球星如云，不过球队事先张扬会用新人挂帅打洲际国家盃，经验及默契严重不足下战力大打折扣，球迷唔好有太大期望，加上近年同丹麦「拍跳」未佔上风，今仗随时稳阵行先，中位数2.5球嘅入球细係不二之选。 （TVB 303周三凌晨2时45分直播） 德国除咗下周世盃外对弱旅圣马力诺之外，仲会以2014年世盃盟主身份，出战月中喺俄罗斯举行嘅洲际国家盃，今仗对丹麦纯粹为此备战。德国主帅勒夫大胆畀晓姆斯、奥斯尔、却奥斯、汤马士梅拿等常规勐将放暑假，只靠达斯拿同祖拿斯赫达担大旗，带领16名只得个位数甚至是0次国际赛经验嘅新丁参赛，包括锋线「双华拿」迪姆华拿及辛度华拿，演出绝对冇保证，更何况效力RB莱比锡嘅射手迪姆华拿赛前受胃痛困扰，未有随军出征，锋线人丁更单薄。 近3次拍跳丹麦处下风 翻查纪录，德国近3次热身赛对丹麦，只有1和2负成绩，今仗仲要用新仔孭飞，更加唔能够乐观。而且「日耳曼兵团」近4仗热身赛全开2球或以下，连原本有份入选嘅翼锋利莱辛尼，都因为要做手术而退队，锋力进一步受削，况且呢班新仔初登国际舞台，难免会出现怯场，造访有基斯甸艾历臣坐镇嘅丹麦，预计会先做好防守，丹麦亦有世盃外对哈萨克后顾，「拍跳」场合唔会搏尽，相信今仗难有大手交易，捧细盘最划算。