威尔斯卡迪夫千禧球场今晚爆欧联最激矛盾对决！今晚决赛堪称梦幻戏码，西甲冠军兼衞冕嘅皇家马德里坐拥最强火力，偏偏遇上最坚防线嘅意甲王者祖云达斯。皇马以C朗拿度为首嘅「BBC」利矛，撞正祖记由保方同「BBC」防线组成嘅坚盾，完全冇优势可言，祖云达斯受让平半，1.74倍下盘必捧！ （有线61、64、201及203台周日凌晨2时45分直播） 祖记防守劲受让着数 祖记係今届欧联唯一不败之师，淘汰赛先后杀退火力坚劲嘅巴塞隆拿同摩纳哥，铜牆铁壁防线明显剋制主攻型球队，事实上巴沙利（Barzagli）、邦路斯（Bonucci）及基亚连尼（Chiellini）组成嘅「BBC」防线，可以话係滴水不漏，咪忘记仲有位超级钢门老大哥保方喺度，佢哋今届12场欧联赛事只失3粒，当中8强两回合「零封」巴塞嘅美斯、苏亚雷斯及尼马锋线，足够证明有几劲！ 39岁嘅祖记队长保方，职业生涯赢过世盃及意甲等荣誉，唯一欠缺就係欧联冠军，佢曾经喺03年同15年入决赛，可惜两次都同冠军擦身而过，今次可能係最后机会，当然会施展浑身解数。翻查往绩，祖记同皇马近6次欧联交锋，祖记有3胜2和1败，防守踢法明显食住主攻嘅皇马，今仗祖记仲有防中基迪拉复出，想入佢哋波难度极高。 「银河舰队」过分靠C朗 皇马今届12场欧联录得7胜3和2负，合共攻入32球为火力最强队伍，但胜率唔算高，况且「银河舰队」太依赖C朗数胡，单计皇马近4仗欧联所入嘅11球，C朗就佔其中8粒，快翼加里夫巴利亦啱啱伤愈绝对唔够态，BBC锋线唔可以发挥最大威力，C朗想凭一己之力攻陷「斑马兵团」绝非易事，祖记受让可谓超着数，下盘咪走宝！