桑奥古斯甸挞着意气风发 世青盃16强上演好戏码，法国U20对意大利U20，两队大国脚喺国际球坛不相伯仲，但讲到小国脚层面，法国U20就明显高一班，呢支2013年盟主一向重视世青盃，今届亦派强阵出击，效力巴黎圣日耳门嘅前锋桑奥古斯甸表现抢镜，上阵2次已轰入3球，实力超班。反观意大利U20缺少多位适龄勐将，今仗恐怕发唔到围，捧1.67倍法国U20主胜。 （周四晚7时开赛） 法国青训向来出色，小国脚成绩辉煌，包括打入2011年世青盃4强，2013年喺保罗普巴助阵下更成功捧盃。法国上届无缘参赛，今届捲土重来，仍属于争标热门，事关阵中勐将如云。最值得留意一定係桑奥古斯甸，呢位19岁新星已经係圣日耳门常规球员，今季法甲上阵10次射入1球，佢踢世青盃简直大超班，首两场分组赛射入3球，帮法国于小组突围提早取得出线权，于上场分组赛全场睇波，留力今场大战。以法国U20分组赛3战全胜兼不失球嘅强势，加上养精蓄锐，今场胜算更高。 意大利U20质素平庸 意大利虽然係当今球坛最强队伍之一，但喺世青盃史上，最威都只係打入8强，今届情况亦唔乐观，因为多位适龄主力早已进身大国脚行列，其次则入选U21备战6月中展开嘅U21欧国盃。因此今次呢支意大利U20人脚质素比较参差，上场分组赛仲涉嫌同日本U20打「默契波」，以和波一齐出线，认真冇品，今仗遇上货真价实嘅法国U20，相信攻守都未及水平嘅意军係时候行人止步。