世青盃16强今晚有几场大战，当中美国Ｕ20斗新西兰Ｕ20，牌面上美国Ｕ20似乎较高，不过佢哋今仗阵容天残地缺，3大主力齐齐停赛下，本身实力唔见得特别超班嘅美国Ｕ20，依家更加平平无奇，对住决心死守嘅新西兰Ｕ20未必咬得入，更加冇能力让波，一于捧2.35倍让球客胜。 （LeSports HK应用程式周四晚7时直播） 态沉美军3主力停赛 美国Ｕ20今届都算强阵出击，不过运气就认真麻麻，效力阿仙奴嘅中场核心施拉林分组赛首仗就重伤长抖，球队虽然以首名出线，但3场分组赛其实只赢得1场咁大把，上仗打和沙特阿拉伯Ｕ20更加付出沉重代价；效力热刺嘅卡达域卡斯食红牌，加上艾朗靴里拉同戴历锺斯储够黄牌，3大中后场主将齐齐坐波监，战斗力即刻大打折扣。 新西兰Ｕ20喺分组赛1胜1和1负以次名晋级，唯一败仗係输畀欧洲劲旅法国Ｕ20，表现唔算失礼。新西兰阵中有5个球员已经係大国脚成员，经验比唔少同龄球员丰富，效力新特兰嘅门将禾特今届亦屡救险球，有佢把关嘅防线自然有保证，今仗对住残阵美国Ｕ20有力一战。