南美尖刀Goal手过招 亚冠盃16强嘅「中超打吡」今日喺江苏上演次回合，首回合落后1比2嘅FC江苏，返主场迎战老对手上海SP，两军同样拥有质素极高嘅「南美三叉戟」，进攻能力唔使怀疑。今仗淨係睇两队多把尖刀斗法，已经係入球保证，中位数2.5球嘅1.62倍入球大好路！ (Now 672及FoxSports Play周三晚8时直播) 两支豪门早就熟晒路，FC江苏虽然首回合落后1比2，不过教练崔龙洙就话满意演出，指拎到作客入球对晋级非常关键，今仗为收复失地，喺主场出击肯定会加重进攻力度。由巴西球星阿历士泰斯拿、拉美利斯同哥伦比亚射手马天尼斯组成嘅锋线组合威力十足，马天尼斯首回合打破入球荒后，信心同状态都返晒嚟，将成上海SP心腹大患。 侯克亚冠醒神 频有斩获 上海SP首回合畀对手拎到作客入球，今仗佢哋如果输0比1都要出局，主帅保亚斯肯定唔会冒险死守，反而会利用奥斯卡杜斯山度士、侯克同艾杰臣3大「森巴Goal手」嚟争取入波，尤其前锋侯克今届亚冠盃状态弗到爆，5场比赛攻入5球兼有4次助攻，成为球队进攻灵魂。翻查往绩，两队过去6次交锋，总入球都达3球或以上，今仗极可能又嚟入球骚。