世青盃16强英格兰U20喺中立场南韩全州出战哥斯达黎加U20。牌面上「幼狮」英格兰秤先，但淘汰赛阶段相信踢法会趋向谨慎，就算英格兰赢波都係小胜居多，主W冇肉食，让一球、球半又太多，哥斯达黎加质素所限预料会主守，首选1.85倍入球细。 （周三晚7时开赛） 英格兰U20有唔少球员嚟自英超球会，但多属青年军，甚少为一队上阵。睇番佢哋今届3场分组赛，除赢阿根廷3比0较有说服力外，另外2场分别打和畿内亚1比1及1比0小胜南韩，今仗遇上名气低一截嘅哥斯达黎加，「幼狮」未必有太大优势。事实上英格兰以往喺世青盃成绩麻麻，对上1次打入16强已经係2011年，难得多年后再杀入16强，「幼狮」肯定先求稳阵。 哥斯达黎加U20虽然只係以其中1支小组最佳第3名晋级16强，但话晒曾经以1比1逼和葡萄牙U20，表现唔算失礼。相信哥斯达黎加会玩死守，「幼狮」想破关唔易，细盘属稳阵之选。