新兵孭飞表现Sharp醒 今日下午日职重头戏，由神户胜利船主场火併「4哥」大坂樱花。樱花今季重返日职后表现稳定，单计近10仗联赛只係输过1场咁大把，相反伤兵成箩嘅胜利船，近6仗联赛只曾1胜，而且啱啱上周中盃赛先至输畀樱花，让球主客和胜利船仲要让波？梗係热捧樱花1.5倍让球客胜。 （有线61及201台周日下午4时直播） 樱花喺南韩领队尹晶焕接手后，今季重返日职表现令人刮目相看；呢位前南韩国脚锺意用新仔，好似24岁前锋杉本健勇今季联赛12次上阵，已经攻入6粒，把握力仲劲过阵中王牌前锋柿谷曜一朗。由西甲回流嘅中场清武弘嗣亦有料到，连续2场都有士哥，唔怪得樱花喺近10仗联赛，录得6胜3和仅1负，目前于联赛进佔「4哥」位。 胜利船伤兵成箩让唔起 另一边厢，胜利船近期饱受伤兵问题困扰，中场球员田中英雄、外援前锋李安度蒙迪拉、大规周平及门将吉丸绚梓等主力养伤倦勤，严重影响球队实力，加上两位后衞桥本和及藤谷壮因代表日本U20出战世青盃而缺阵，导致近6仗联赛仅得1胜2和3负，跌落第8位。双方啱啱上周中先喺日联盃分组赛交手，樱花喺攻势佔优之下主场小胜1比0，话咁快今日喺联赛又对碰，预料胜利船就算有地利之助，亦难挡当头起嘅樱花来犯，让球主客和樱花仲有得受让咁笋，让球客胜咪错过。