和波好大机会携手出线 今晚世青盃D组同时间进行两场尾轮赛事，其中重头戏「3哥」日本U20硬撼「2哥」意大利U20，由于两军依家同分，而且各组中有4支最佳第3名都可晋级，因此今仗打和的话，双方好大机会携手出线，为免有乜闪失，预计会踢得稳打稳扎，今仗唔慌多波入，一于捧中位数2.5球入球细。 （LeSports HK应用程式周六晚7时直播） 先讲讲D组形势，头两场赢晒得6分嘅乌拉圭U20已肯定出线，紧随其后嘅意大利U20及日本U20同得3分，睇番世青盃赛制，除咗每组头2名可晋级之外，喺呢6组中嘅4支成绩最佳嘅第3名，亦可跻身16强，计埋周五赛事，日本U20係排喺「最佳第3名榜」嘅次席，即係话今仗佢哋攞多1分，亦好大机会晋级，况且前锋小川航基左膝十字韧带撕裂，连半月板都裂埋，肯定出唔到，攻力受削，随时踢得更保守，另一边厢意大利U20和波就出线，又点会同你急呀？反而双方是但一队有乜差池搞到输波，随时影响出线，既然和波大家都有着数，何不hea住嚟踢携手出线，如此情况唔慌多波入，首选入球细，不妨捧埋和波。 葡萄牙伊朗斗攻格局 至于下午开波嘅C组赛事，其中一场係葡萄牙U20火併伊朗U20。葡萄牙U20虽有鲁宾戴亚斯坐波监，但佢哋头2场夹埋只得1分，为出线非胜不可，必定一开波即抢攻，但伊朗U20有3分在手，今仗和波即可晋级，梗係唔会坐以待毙，斗攻格局捧入球大。 （周六下午4时开赛）