煞科战失落联赛锦标嘅巴塞隆拿，今晚西盃决赛会同艾拉维斯争夺冠军。巴塞隆拿季尾冲刺火力全开，虽然为时已晚未能夺冠，但球队誓要以冠军送别教练安历基，今仗有望延续近期疯狂入球走势，中位数4.5球嘅入球大值得捧场。 （周日凌晨3时30分开赛） 巴塞隆拿季尾着火，近6仗全胜之馀合共轰入25球，美斯、苏亚雷斯同尼马入波当食生菜，不过球队防线始终唔算稳阵，6连胜之中只係得1场波保持不失，当中5仗总入球达到5球或以上。今场决赛仲係巴塞隆拿教练安历基告别战，一众球星当然想用冠军奖盃送行，今仗会继续狂攻争胜，大开杀戒。 艾拉维斯作客赢过巴塞 艾拉维斯近期状态其实唔差，近4仗有3胜1和佳绩，而且今季曾经有过作客2比1击败巴塞隆拿的纪录，可见艾拉维斯唔係任人鱼肉嘅弱旅，要喺巴塞隆拿脆弱防线身上入波都唔係难事。