今晚喺格拉斯哥嘅咸普顿球场上演苏格兰足总盃决赛，由班霸些路迪硬撼鸭巴甸。些路迪嘅实力喺苏格兰大超班，为争做「双冠王」唔会脚软，加上近6次交手全部赢晒，摆明食住鸭巴甸，今仗让球盘要让一球都冇有怕，上盘有买趁早。 （周六晚10时开赛，马会网上文字直播） 些路迪喺前利物浦领队罗渣士率领下，今季气势如虹，除咗第48次于联赛封王之外，更全季38场联赛保持不败，狂轰106球兼豪取106分，非常得人惊，罗帅话不败夺冠係了不起嘅成就，仲扬言若果呢队「绿白兵团」参加英超，应该会取得第6名添，认真口响，儘管射手利治格菲斯因为唔妥罗渣士喺对巴特里之役换走佢，早前闹过情绪问题，好彩呢位前锋上仗对赫斯即有士哥冇受影响。讲真以些路迪嘅实力，喺苏格兰的确係超晒班，单计联赛已经係6连霸，作为山寨王，点都想攞埋苏足盃赠兴，查实佢哋自2013年之后，就未捧过苏足盃，为争做「双冠王」必落多几钱肉紧。 鸭巴甸近6对赛输晒 鸭巴甸杀入苏足盃决赛已属超额完成，前锋阿当朗尼近4仗只係入得1球咁大把，上仗联赛大胜巴特里6比0都食白果，脚风真係超唔顺。况且双方近6次对碰，些路迪全部获胜，今仗让球盘些路迪要让一球都唔使惊，上盘不容错过。