德国盃决赛柏林爆发！冠军会由法兰克福同多蒙特展开争夺，牌面上及排名上无疑係多蒙特赢晒，不过法兰克福今季屡有佳作，喺一场过决胜负嘅决战未必输蚀，而且两军近期皆踢出悦目进攻，近年对战亦例牌多波入，玩中位数2.5/3球嘅入球大最好路。 （无綫my TV Super周日凌晨2时直播） 多蒙特今季整体演出唔算好，喺联赛煞科战先至确保季军身份直接参加来季欧联分组赛，德国盃冠军係佢哋唯一捧盃希望，4强战3比2淘汰劲敌拜仁慕尼黑更係今季代表作。多蒙特近期火力全开，煞科战4比3险胜云达不来梅更加係有前冇后，奥巴美扬同马高列奥斯入球频频，状态大勇值得信赖。 多蒙特近季交手冇优势 多蒙特实力的确高于法兰克福，不过近年对赛成绩就反映唔到，近2季4次联赛交锋各赢2仗，可见法兰克福并唔係全无还击之力。翻查数据，两队近5次交手，有4次总入球达到3球或以上，包括今季两循环对碰都斗得相当激烈，争冠时刻当然更加肉紧。 法兰克福今季联赛最终排名只得11名，不过球队今季屡有佳作，除主场2比1击败多蒙特外，亦曾2比2与拜仁慕尼黑打成平手，煞科战落后2球下逼和RB莱比锡2比2，证明球队状态同入球能力都不弱，今仗有望尽地一煲同多蒙特斗攻，出奇制胜争夺冠军。