抢前4被动 赢先有希望 嚟到英超煞科战喇！馀下两个欧联席位，由曼城、利物浦同埋阿仙奴争夺，曼城只要今晚唔係大败就可以完成任务，而利物浦只要今晚赢波，或者拎到唔比阿仙奴差嘅战果，都可以稳入前4。至于失分最多嘅阿仙奴形势相当被动，佢哋除咗今晚要击败「拖肥」爱华顿，仲要寄望「蓝月亮」同利记失分先有希望。阿仙奴今晚一定会全力搏尽，除咗要抢分，亦要为报答主场球迷而战，相信赢波赢盘唔係问题，心水推介上盘。 （Now621、LeSports HK应用程式周日晚上10时直播） 为咗争入前4，阿仙奴一分都不能少！最近兵工厂表现回勇，联赛豪取4连胜。佢哋上轮联赛主场凭住「山神」阿历斯山齐士梅开二度，以2比0击败包尾大幡新特兰。而曼城亦喺主场轻取西布朗3比1，以75分超越利物浦，升上联赛榜第3位，而阿仙奴就以72分排第5，落后红军1分，形势相当被动。如果兵工厂想争入前4，今晚对爱华顿非胜不可，同时亦要寄望曼城或者利记失分，否则今季唔单只22年来第一次排名低过热刺之外，亦拎唔到欧联资格。有几个情况，阿仙奴都可以拎到前4。第一，如果阿仙奴击败爱华顿而利物浦赢唔到米杜士堡；第二，阿仙奴同爱华顿以0比0或者1比1打和，而利物浦输3球或以上；第三，阿仙奴同爱华顿2比2打和，而利物浦输0比2；第四，阿仙奴赢爱华顿而曼城输畀屈福特5球或以上。虽然机会好似好淼茫，但今晚始终係兵工厂今季最后一场主场赛事，相信佢哋一定会做番场好戏畀大家睇！ 爱华顿无欲无求输战意 仲有呀，由开季至今攻入23球、交出10次助攻嘅「山神」，早喺对史笃城一仗已整伤大腿，到上场对「黑猫」，开波前几个钟先通过体测落场，最后阿仙奴都係靠呢位智利前锋包办两个入波赢新特兰，保住争前4嘅希望，连领队云格都大讚呢位赢波功臣，话当「山神」落场掂到个波，就会变成恶魔，咩痛楚都抛诸脑后，唔知今晚喺自己地头，对住无欲无求、战意一般嘅爱华顿，又会入几多粒呢？就算让球盘阿仙奴让到一球、球半咁深，相信都无问题，上盘绝对係值得支持！