救命时刻星将骚哥利 两年前仲係德甲亚军嘅禾夫斯堡，今季沉沦只排联赛第16位，沦落到要踢两回合嘅升降班附加赛；今晚首回合「狼堡」先喺主场迎战德乙3哥布伦瑞克，正所谓烂船都有三斤钉，生死关头「狼堡」球星要骚哥利，经验丰富值信赖，让球盘禾堡让一球照捧上盘！ （Now 670、Fox Sports Play、有线61及201台周五凌晨2时30分直播） 翻查数据过去7届附加赛当中，有6届都係德甲球队成功护级，证明德乙球队越级挑战有一定难度，始终禾夫斯堡球员经验丰富，好似路尔斯古斯达禾、古拿禾古及射手马里奥高美斯等球星都身经百战，关键时刻发挥更加值得信赖。唔好忘记，禾夫斯堡今季有37分，係98/99年球季后最高分嘅第16位球队，依家搞到要踢附加赛真係有啲唔抵。 布军跌Watt唔齐脚 布伦瑞克季初一段长时间排德乙榜首，不过下半季成绩下滑，尾二轮联赛作客0比6惨败畀比勒费尔德更加係致命伤，最终以1分之差未能直接升班，佢哋今仗仲有后防奥科素艾耶同马素哥利亚受伤缺阵，军容不整下作客似乎难逃一劫。