西盃:一場決勝負唔會冒進 畢爾包求穩吼半和
时间：2022-01-20 14:10 来源：足球图库
周五凌晨西盃16強，上演上屆決賽翻版戰，由衞冕嘅巴塞隆拿作客畢爾包。畢爾包接連殺入多項盃賽決賽，深明打淘汰賽要以弱勝強，一定先求穩陣，唔好太早失波影響部署，巴塞仍處於重建期，欠缺射手更係致命傷，加上近年碰頭經常上半場未分勝負，半場和不妨再追。（周五凌晨4時30分開賽）
巴塞重建火力銳減
畢爾包一向擅打盃賽，不但連續兩屆西盃獲得亞軍，亦於近兩屆西超盃取得一冠一亞，包括啱啱喺西超盃先淘汰馬體會，再於決賽不敵皇馬，屈居亞軍。畢爾包雖然實力上明顯唔及各豪門球隊，但佢哋憑住硬朗防守打法，喺講求穩陣嘅淘汰賽場合，絕對係大派用場。
另一邊廂，巴塞雖有新兵費倫托利斯加盟，而安素法迪、柏迪等新星亦告傷愈，不過球隊處於重建期，呢班新仔仍需累積經驗。最弊係佢哋欠缺一名可靠射手，經常出現得勢不得分嘅情況，連盃賽在內，巴塞所入6球中，有4球來自有傳將被放棄嘅西維爾借將、有頭槌冇腳法嘅盧克迪莊，可見佢哋無人可用下焗上呢位中鋒，認真唏噓。
睇番雙方近4次正面交鋒，巴塞喺法定時間取得2勝2和未輸過，但要留意，其中3仗上半場未分高下，包括上屆決賽半場係互交白卷，今仗亦係一場過決勝負嘅淘汰賽，相信大家初段都係穩陣至上，半場和值得追多鋪。
