史达比克遇白兰恩追半和
2020/08/24文:法达斯维
今晚挪超独脚戏史达比克喺主场迎战白兰恩。两支中游球队近况麻麻，几乎场场有失波，今仗遇到同级「兄弟」，唔会轻举妄动。白兰恩近期经常开出半场和，值得再追。（周二凌晨2时30分开赛）

史达比克今季演出尚算硬淨，14场联赛只输过4场，可惜赢波亦同样仅得4仗，早排打和榜首波杜基林特已经係代表作。佢哋近5场联赛不胜陷入小低潮，后防不稳係最大毛病，何况近4次对白兰恩3度落败，今仗睇怕会缩后嚟踢。

两队料加强防务
白兰恩亦唔好得几多，今季联赛赢得5场，佢哋最大问题都係来自防守，14场里面只得2仗保清白身，其中近9场联赛全部都有失波。其实白兰恩都意识到呢个问题，所以近期初段刻意踢得较保守，好似上仗对莫达伦，都係完场前先失守输波，有啲欠运。白兰恩近7仗联赛虽然赢得1场咁大把，但有6次开半场和，既然双方都想改善演出，相信会稳打稳扎，半场和不妨再追。