另一场欧联16强次回合生死战，法甲班霸巴黎圣日耳门（PSG）主场迎战德甲代表多蒙特；PSG首回合落后1比2，想晋级一定要抢攻，不过佢哋后防向来唔稳阵，对住近期着晒火嘅艾宁夏兰特及查顿辛祖好难唔失波，相信今场好大机会与首回合一样，一有入波出现即会变成对攻局面，捧中位数3球、3球半大盘最明智。

（Now 644、有线601及661台周四凌晨4时直播）

由于受新冠肺炎疫情影响，欧洲足协宣布今场将改为闭门作赛，虽然冇主场球迷打气，但对首回合输1比2嘅PSG嚟讲已经冇得拣，必须主动抢攻争取赢先有机会晋级；PSG赛前传出坏消息，前锋基利安麦巴比生病上阵成疑，连同停赛嘅中场马高华拉堤及守将梅尼亚，未能夫添之下，战斗力或打折扣，不过佢哋上周末联赛同受肺炎影响须要延期，变相有更多时间休息，相比之下，多蒙特上场联赛作客击退前列对手慕逊加柏，体力消耗应较大，阵容不整嘅问题相信可抵销。

多蒙特近6作客失13球
PSG今季喺各项赛事已经攻入128球，就算缺少麦巴比，锋线仍有尼马、卡云尼、莫路伊卡迪及迪马利亚等好手，锋力毋庸置疑，不过佢哋对上8场比赛只有1场冇失波，堤亚高施华伙拍派斯奴甘佩比嘅中路组合唔算稳阵，如果搵马昆奴斯哥利亚打中坚，中场扫荡能力又会减弱，面对以速度见称嘅多蒙特锋线肯定疲于奔命。同样地，多蒙特近6场作客加埋失咗13球，只有1场冇失波，今场要抵挡PSG强攻亦唔容易。论人脚及整体实力，两军其实半斤八両，上次首回合要踢到下半场中段先由艾宁夏兰特打破闷局，不过一係唔入，一入两队就喺短短8分钟之内连轰3球，证明两队锋线把握力极强，后防受压便容易失波，PSG今场许胜不许和，相信入波会比上场嚟到早，捧3/3.5球入球大最好路。